---
title: "ലോകകപ്പ് ഫൈനൽ; ഫെറാൻ ടോറസിന്റെ ഗോളിൽ അർജന്റീനയെ വീഴ്തി സ്പെയിൻ കിരീടം ചൂടി"
english_title: "Spain Beat Argentina 1-0 to Win FIFA World Cup 2026, Ferran Torres Scores Winner"
publisher: "malayorashabdam.in"
canonical_url: "https://malayorashabdam.truevisionnews.com/news/373420/world-cup-2026-final-spain-beat-argentina-ferran-torres-goal`"
published_at: "2026-07-20T07:16:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a5d7ea558400_1000183169.jpg"
keywords: ["World Cup 2026", "Spain", "Argentina", "Ferran Torres"]
---

# ലോകകപ്പ് ഫൈനൽ; ഫെറാൻ ടോറസിന്റെ ഗോളിൽ അർജന്റീനയെ വീഴ്തി സ്പെയിൻ കിരീടം ചൂടി

> **Lead Summary:** **ന്യൂയോർക്ക്**: ആവേശം അലതല്ലിയ ലോകപ്പ് ഫൈനലിൽ അർജന്റീനയെ ഏകപക്ഷീയമായ ഒരു ഗോളിന് തകർത്ത് സ്പെയിൻ രണ്ടാം തവണയും ലോകചാമ്പ്യന്മാരായി.

## Article Content

**ന്യൂയോർക്ക്**: ആവേശം അലതല്ലിയ ലോകപ്പ് ഫൈനലിൽ അർജന്റീനയെ ഏകപക്ഷീയമായ ഒരു ഗോളിന് തകർത്ത് സ്പെയിൻ രണ്ടാം തവണയും ലോകചാമ്പ്യന്മാരായി.

ന്യൂ ജേഴ്സി സ്റ്റേഡിയത്തിൽ നടന്ന ഫൈനലിൽ 116-ാം മിനിറ്റിലാണ് സ്പെയിനിന്റെ വിജയഗോൾ പിറന്നത്. ഫെറാൻ ടോറസാണ് നിർണായക ഗോൾ നേടിയത്.

മത്സരത്തിന്റെ തുടക്കം മുതൽ ആക്രമണ ശൈലിയിൽ കളിച്ചത് സ്പെയിനായിരുന്നു. കളിയിലുടനീളം പന്ത് കൈവശം വെച്ച് അവർ അർജന്റീനയെ സമ്മർദ്ദത്തിലാക്കി.

അർജന്റീനയ്ക്ക് ആദ്യ പകുതിയിൽ ഒരു ഷോട്ട് ഓൺ ടാർഗറ്റ് പോലും നേടാനായില്ല. രണ്ടാം പകുതിയിലും കാര്യമായ നീക്കങ്ങൾ നടത്താൻ അവർക്ക് സാധിച്ചില്ല. മധ്യനിരയിൽ എൻസോ ഫെർണാണ്ടസിന് ചുവപ്പ് കാർഡ് ലഭിച്ചതോടെ പത്ത് പേരായി ചുരുങ്ങിയതും അർജന്റീനയ്ക്ക് തിരിച്ചടിയായി.

പ്രതിരോധത്തിന്റെ നെടുംതൂണായ ലിസാൻഡ്രോ മാർട്ടിനെസിന് പരിക്കേറ്റ് പുറത്തുപോയതും അർജന്റീനയ്ക്ക് വലിയ നഷ്ടമായി. പ്രതിരോധത്തിലേക്ക് ഊന്നി നിന്ന് കളിച്ചിട്ടും അധിക സമയത്ത് സ്പെയിനിന്റെ ആക്രമണം തടയാനായില്ല.

2010-ൽ ഇനിയേസ്റ്റയുടെ ഗോളിൽ നെതർലാൻഡ്സിനെ തോൽപ്പിച്ച് ആദ്യ കിരീടം നേടിയതിന് ശേഷമാണ് സ്പെയിൻ വീണ്ടും ലോകപ്പ് ഉയർത്തുന്നത്. ലാ റോജകൾക്ക് ഇത് ചരിത്ര നേട്ടം കൂടിയാണ്

### Related Links & Sources
- [Original Story Source](https://malayorashabdam.truevisionnews.com/news/373420/world-cup-2026-final-spain-beat-argentina-ferran-torres-goal`)